सामाजिक न्याय विभागांतर्गत देण्यात येणाऱ्या विविध पुरस्कारांकरीता अर्ज मागविणेबाबत

समाज कल्याण क्षेत्रात कार्य करणाऱ्या नोंदणीकृत स्वयंसेवी संस्था व या क्षेत्रामध्ये उल्लेखनीय कार्य करणारे समाजसेवक यांना दरवर्षी विविध पुरस्कार देऊन सन्मानीत करण्यात येते. सन 2023-2024, या आर्थिक वर्षात देण्यात येणाऱ्या विविध पुरस्कारांसाठी अर्ज मागविण्यात येत आहेत. ज्या वर्षासाठी व ज्या पुरस्कारांकरीता अर्ज करण्यात येत आहे. त्या वर्षासाठी त्या पुरस्काराकरिता विहीत केलेल्या अटींची पूर्तता करणे आवश्यक राहील. तसेच पुरस्कारासाठी दि. 01 जानेवारी ते 31 डिसेंबर अशी गणना विचारात घेण्यात येईल. (उदा. सन 2023-2024 या वर्षाकरीता पात्रतेचा कालावधी 01 जानेवारी 2023 ते 31 ‍डिसेंबर, 2023 असा विचारात घेण्यात येईल.