हाताने मैला उचलणाऱ्या सफाई कामगारांच्या नियुक्तीस प्रतिबंध घालणे व त्यांचे पुनर्वसन करणे, २०१३

हाताने मैला उचलणाऱ्या सफाई कामगारांच्या नियुक्तीस प्रतिबंध घालणे व त्यांचे पुनर्वसन करणे अधिनियम २०१३

उपरोक्त अधिनियमाची राज्यात प्रभावी अंमलबजावणी करण्याबाबत सामाजिक न्याय व विशेष सहाय विभाग शासन निर्णय दिनांक ७.८.२०१५ अन्वये विविध निर्देश जारी करण्यात आलेले आहेत.
तसेच सदर अधिनियमाची अंमलबजावणी करण्याबाबत नोडल अधिकारी म्हणुन आयुक्त, समाजकल्याण यांना घोषित करण्यात आलेले आहे.
तद्नंतर सदर अधिनियमाच्या व नियमांच्या अंमलबजावणीच्या अनुषंगाने ग्रामीण तथा शहरी भागात विभागाच्या शासन निर्णय दिनांक ११.६.२०१९ अन्वये सक्षम प्राधिकारी घोषीत करण्यात आलेले आहेत.
त्याचबरोबर संबंधीत कायदा त्याचबरोबर मा. सर्वौच्च न्यायालयाने रिट याचिका क्र.५८३/२००३ मध्ये दिनांक २७.३.२०१४ रोजी दिलेल्या आदेशाची अंमलबजावणी करण्याच्या दृष्टीने विशेष व्यवस्थापन कक्ष देखील स्थापन करण्यात आलेला आहे.
दिनांक ३१ जुलै,२०१९ च्या अधिसूचनेन्वये मा. मुख्यमंत्री महोदयांच्या अध्यक्षतेखाली राज्यस्तर संनियंत्रण समीतीचे गठन करण्यात आलेले आहे. त्याचबरोबर संबंधीत कायद्याची प्रभावी अंमलबजावणी, समन्वय व देखरेख करण्यासाठी जिल्हास्तर व उपविभागीय स्तरावर दक्षता समीतीचे देखील गठन करण्यात आलेले आहे.

हाताने मैला उचलण्या बाबत असलेल्या तक्रारीं विभागाच्या खालील सामाजिक माध्यमांद्वारे निदर्शनास आणून देऊ शकता: