महिला समृध्दी योजना

योजनेच्या प्रमुख अटी

• अर्जदार हा अनुसूचित जातीतील चर्मकार समाजाचा असावा.
• अर्जदार हा महाराष्ट्र राज्याचा रहिवाशी असावा.
• अर्जदाराचे वय १८ ते ५० वर्षांपर्यत असावे.
• अर्जदाराने जो व्यवसाय निवडला असेल त्या व्यवसायाचे ज्ञान व अनुभव त्याला असावा.
• (अ) अर्जदाराच्या कुटुंबाचे वार्षिक उत्पन्न ग्रामीण भागासाठी रु.९८,०००/ व शहरी भागासाठी रु.१,२०,०००/ पर्यंत असावे.
• (ब) राज्य शासन पुरस्कृत योजनांसाठी शहरी व ग्रामीण भागातील उत्पन्न मर्यादा रु.१,००,०००/ पर्यंत असावे.
• जातीचा व उत्पन्नाचा दाखला तहसिलदार किंवा तत्सम सक्षम प्राधिकायाने दिलेला असावा.
• अर्जदाराने या महामंडळाकडून अथवा इतर कोणत्याही शासकीय उपक्रमाकडून आर्थिक लाभ घेतलेला नसावा.
• महामंडळाने वेळोवेळी घालून दिलेल्या अटी व शर्ती अर्जदारावर बंधनकारक राहतील.

सांख्यिकी माहिती (रुपये लाखात)

अ.क्र.	वर्ष	खर्च	लाभार्थी
१	२०१२-१३	४१.७५	१६७
२	२०१३-१४	८१.५०	३२६
३	२०१४-१५	१४२.७५	५७१

लाभार्थी:

अनुसूचित जातीतील चर्मकार समाज

फायदे:

चर्मकार समाजातील विधवा, परित्यक्ता निराधार अशा महिला (अशा महिला लाभार्थींना प्राधान्य देण्यात येते.) तसेच सर्व महिला लाभार्थींसाठी महिला समृध्दी योजनेअंतर्गत कर्ज रक्कम रु.४०,०००/ व अनुदान रु.१०,०००/ असे दोन्ही मिळून रु.५०,०००/ पर्यंत ४टक्के व्याजदराने कर्ज देण्यात येते.